काठमाडाैं |
प्रतिनिधिसभाको कृषि, सहकारी तथा प्राकृतिक स्रोत समितिको सभापतिमा निर्वाचित नेपाली कांग्रेसकी सांसद कुसुम थापामगरले पद तथा गोपनीयताको शपथ लिएकी छिन् ।
बुधवार संसद् सचिवालयमा आयोजित समारोहमा सभामुख देवराज घिमिरेले सभापति थापामगरलाई शपथ ग्रहण गराएका हुन् ।
यो समितिको सभापतिमा एकल उम्मेदवारी मात्र परेपछि थापामगर सोमवार निर्विरोध निर्वाचित भएकी थिइन् । थापामगर कांग्रेसकी समानुपातिक सांसद हुन् ।
