काठमाडौं ।

प्रहरी नायब महानिरीक्षक दानबहादुर कार्कीको शब्दमा ‘फूलको बाँस्नासरी’ गीत सार्वजनिक भएको छ । नेपाल प्रहरीको कर्तव्य र भावना समेटिएको गीतमा राजेशपायल राई, मेलिना राई, बेनिशा पौडेल र समीर खरेलको स्वर छ । गीतमा दीपक शर्माको संगीत र श्यामश्वेत रसाइलीको एरेन्ज छ ।

चर्चित संगीतकार दीपक शर्माले संगीत भर्नुभएको यो गीतमा चर्चित गायक राजेश पायल राई सहित गायिकाहरु मेलिना राई, बेनिसा पौडेल र गायक समीर खरेलको स्वर रहेको छ । यो गीतको भिडियोमा चर्चित कलाकारहरु रमेश उप्रेती, प्रियंका कार्की, प्रकाश सपुत र बेनिशा हमालको अभिनय देख्न सक्नुहुनेछ । गीतको भिडियो निर्देशन चर्चित निर्देशक गम्भीर बिष्ट र यसको कन्सेप्ट सरोज ओली को रहेको छ। यो गीत निर्माणमा सहभागी हुनुहुने उहाँहरू संगै सर्जक, कलाकर्मी र प्रहरी कर्मचारी सबैलाई धन्यवाद आभार प्रकट गर्नु भयको छ । गीतबारे दर्शक (श्रोतासँग पनि रचनात्मक प्रतिक्रियाको अपेक्षा राखेका छन ।

गम्भीर विष्टले निर्देशन गरेको गीतको भिडियोमा नेपाल प्रहरीको कर्तव्य र जीवनशैलीलाई प्रस्तुत गरिएको छ ।