काठमाडौं ।
कोशी प्रदेश सरकार र पहिचान पक्षधरबीच आज पनि वार्ता जारी छ । बिहीबारको वार्ता भएकै स्थान विराटनगरको बिग होटलमा आजको वार्ता सुरु भएको हो ।
वार्तामा कोशी प्रदेश सरकारका भौतिक पूर्वाधार विकासमन्त्री कमलप्रसाद जवेगुको नेतृत्वमा तीन सदस्यीय सरकारी टोली छ । यसैगरी पहिचान पक्षधरका ११ जना वार्तामा छन् ।
वार्तालाई पहिचान पक्षधरले उठाउँदै आएका माग सम्बोधनको पहिलो कदमको रूपमा लिनुपर्ने कोशी प्रदेश सरकारका तर्फबाट गठित वार्ता समितिका संयोजक भौतिक पूर्वाधार विकासमन्त्री कमल जवेगुले बताएका छन् ।
