खोटाङ ।

खोटाङमा दुई अलग-अलग घटनामा दुई जनाको मृत्यु भएको छ। एकजनाले चट्याङ लागेर प्राण गुमाए भने अर्को २१ महिने शिशु बार्दलीबाट लडेर निधन भएको छ।

केपिलासगढी गाउँपालिका-७ सुङ्देल गुल्टेन स्थित ४५ वर्षीया दिलकुमारी राई चट्याङ लागेर मृत्यु भएकी छन्। आज बिहान ४:०० बजे चट्याङ लागेर घटनास्थलमै उनको मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक प्रतीक विष्टले जानकारी दिए।

त्यसैगरी, दिक्तेल रुपाकोट मझुवागढी नगरपालिका-१५ विजयखर्क की २१ महिने शिशु अनुसोया पोखरेल घरको बार्दलीबाट लडेर गम्भीर घाइते भएकी थिइन्। उनलाई उपचारका लागि काठमाडौँ ल्याउने क्रममा बाटोमै उनकाे निधन भएको विष्टले जानकारी दिएका छन्।