आज मुलुकमा विभिन्न नदीहरूमा बहाव बढ्न सक्ने जल तथा मौसम विज्ञान विभागले जनाएको छ ।
विभाग अन्तर्गतको बाढी पूर्वानुमान महाशाखाले एक विज्ञप्ति जारी गर्दै विभिन्न नदीहरूमा बहाव बढ्न सक्ने भन्दै सतर्कता अपनाउन अपिल गरेको हो ।
महाशाखाका अनुसार, झापा, मोरङ, सुनसरी, संखुवासभा, भोजपुर, दोलखा, रामेछाप, मकवानपुर, ललितपुर, लमजुङ, गुल्मी, पाल्पा र आसपासका जिल्ला भई बहने केही ससाना नदीहरुमा बहाव बढ्ने अनुमान गरिएको छ ।
विभागले यी नदीहरू आसपासका क्षेत्रहरूमा सतर्कता अपनाउन समेत अपिल गरेको छ ।
आज देशका प्रमुख तथा मझौला नदीहरूमा भने बहाव सामान्य तथा सतर्कता तह भन्दा तलै रहने पूर्वानुमान गरिएको महाशाखाले जनाएको छ ।
