काठमाडौं ।
संस्कृति, पर्यटन तथा नागरिक उडड्यनमन्त्री सुदन किरातीले राष्ट्रिय स्वतन्त्र पार्टीका सभापति एवं सांसद रवि लामिछानेलाई रोजेको मन्त्रालय दिनु पर्ने बताएका छन् ।
शुक्रवार होटल व्यवसायी महासंघ र पर्यटन बोर्डद्वारा आयोजित एक कार्यक्रममा मन्त्री किरातीले यस्तो बताएका हुन् ।
होटल पौवामा आयोजित होटल सेवा व्यवस्थापनसम्बन्धी तालिम उद्घाटन कार्यक्रममा बोल्दै मन्त्री किरातीले भने ‘जनताले रवि लामिछानेलाई लोकप्रिय मत दिएका छन् ।
यो जनमतको सम्मान गर्न अब रविले रोजेको मन्त्रालय दिनुपर्छ । त्यसको लागि मैले के त्याग गर्नुपर्छ तयार छु ।’
हजारौं जनताको बलिदानीबाट प्राप्त व्यवस्थाले अझै जरा गाड्न नसक्दा जनताको दैनिकी दयनीय बन्दै गइरहेको उनको भनाइ थिायो ।
‘देशको अर्थतन्त्र जरजर अवस्थामा छ, यसको सङ्कट मोचनका लागि अब राष्ट्रिय सहमतिको सरकार गठन गरौँ ।
राष्ट्रिय स्वतन्त्र पार्टीले जनताको जुन अभिमत पायो । यो जनताको आक्रोस हो । मुख्यतः जिम्मेवार ठूला दलहरुको अकर्मण्यताको पराकाष्ठ हो ।
हामी राजनीतिको नाममा धेरै विभाजित भयौँ । अब देशलाई यो संकटबाट मुक्त गर्न सबै मिलेर राष्ट्रिय सहमतिको सरकार गठन गरौँ’ मन्त्री किरातीले भने ।
