काठमाडाैं ।
नेकपा एमालेका महासचिव शंकर पोखरेलले नक्कली भुटानी शरणार्थी प्रकरणलाई काक्रा आफू खाएर विया सोझा गाउँलेको अनुहारमा टाँसिदिएर आरोप लगाएजस्तो बनाइएको बताएका छन् ।
प्रहरी र सरकारी वकिल कार्यालयले अनुसन्धान सकेर अदालतमा मुद्दा दायर गर्ने तयारी गरिरहेका बेला महासचिव पोखरेलले सामाजिक सञ्जालमा लेखेर सत्ता स्वार्थ हाबी भएको आरोप लगाएका हुन् ।
उनले लेखेका छन्, ‘काक्रा चोरले काक्रा आफूले खाएर विया सोझा गाउँले किसानको अनुहारमा टाँसिदिएर चोरको आरोप लगाएजस्तो बनाइएछ नक्कली भुटानी शरणार्थी प्रकरणको प्रहरी अनुसन्धान ।
सत्ता स्वार्थका लागि गरिएको यो लज्जास्पद नाटकको एक दिन पटाक्षेप हुने नै छ ।’