अजय देवगन स्टारर वेब-सिरिज ‘रुद्र : द इज अफ डार्कनेस’को ट्रेलर लन्च भएको छ ।

राजेश मपुसकर निर्देशित यो सिरिज एड्रिस अल्बा स्टारर बीबीसीको चर्चित सिरिज लुथरको रिमेक हो । ओरजिन सिरिजमा अल्बालाई इमान्दार, कर्तव्यनिष्ठ र चलाख प्रहरी अधिकृतको रुपमा हेर्न पाइन्छ ।

जागिरको क्रममा आइलाग्ने एक अपराधलाई सामना गर्न पर्दा उक्त पात्र मानसिकरुपमा विक्षिप्त र हिंसात्मक समेत हुन्छ । रुद्रले पनि यही कथावस्तुलाई पछ्याएको देख्न पाइन्छ ।

तर, अल्बाभन्दा अजय केहीरुपमा नरम देखिएका छन् । सिरिजको प्रोडक्सन भ्यालु आकर्षक देख्न सकिन्छ । यसअघि सिंघम र गंगाजलमा अजयको प्रहरी चरित्रले दर्शकको मन जितेको छ ।

देवगनका फ्यानलाई रुद्र निकै मनपर्नसक्छ । इशा देओल, अतुल कूलकर्णी, आश्विनी कलाशेखर र आशिष विद्यार्थीको समेत अभिनय छ । ट्रेलर रिलिजअघि विज्ञप्तिमार्फत अजयले आफूलाई सुरुदेखि नै डिजिटल प्लेटफर्मले आकर्षित गरेको बताएका छन् ।

‘रुद्र पात्रको रुपमा मैले डिजिटल प्लेटफर्म त्यसमा पनि लामो कथावस्तुमा डेब्यु गर्न पाउँदा खुशि लागेको छ’ अजयले भनेका छन् ।