काठमाडौं
पञ्चाङ्ग पात्रोमा तीज सकिएको त अघिल्लो मंगलबार हो । तर प्रधानमन्त्री शेरबहादुर देउवाकी पत्नी आरजु राणा देउवा टोकियाे पुगेको क्षणलाई जापानका लागि नेपाली राजदूत दुर्गाबहादुर सुवेदी (दुबसु) ले मानमनितोमा कुनै कसर बाँकी छाडेनन् ।
यस्सै स्वागत गरेको भए पनि भइहाल्थ्यो ।
तर उनले हिजो आइतबार दर खुवाउने कार्यक्रम राखेर आरजुलाई प्रमुख अतिथि बनाए ।
तीज अघिल्लै साता सकिए पनि आरजुलाई दुबसुले पाँच दिनपछि तीजको दर खुवाएका थिए ।
फेसबुकमा तीजका फोटो राख्दै आरजुले दुबसु र पत्नी पुनमलाई धन्यवाद दिएकी छन् ।
‘जापानमा अवस्थित नेपालका राजदूत श्री दुर्गाबहादुर सुवेदीज्यू तथा श्रीमती पुनम सुवेदीज्यूद्वारा तीजको अवसरमा आयोजित नेपाली चेली–बुहारीहरुको कार्यक्रममा प्रमुख अतिथिको रूपमा सरिक हुन पाउँदा खुशी लाग्यो’, उनले लेखेकी छन् ।
