लुम्बिनी भ्रमण सकेर कोहलपुर फर्किँदै गरेको बस लमहीमा दुर्घटना पर्दा १४ जना घाइते
लुम्बिनी भ्रमण सकेर कोहलपुर फर्किँदै गरेको बस लमहीमा दुर्घटना पर्दा १४ जना घाइते
    • बेल संचार

    • ३ मंसिर २०८३, बिहीबार

काठमाडौँ ।

दाङको लमहीमा भ्रमणबाट फर्किँदै गरेको बस दुर्घटना हुँदा १४ जना घाइते भएका छन्।

लमही नगरपालिका–९ स्थित शिव खोला नजिकै पूर्व–पश्चिम राजमार्गमा बिहीबार बिहान भे १ ख ३१३० नम्बरको बस अनियन्त्रित भएर पल्टिएको हो।

दाङका प्रहरी नायब उपरीक्षक (डीएसपी) डा. हेमबहादुर केसीका अनुसार लुम्बिनी भ्रमण सकेर बाँकेको कोहलपुरतर्फ जाँदै गरेको बस दुर्घटनामा परेको हो। बसमा चालक र सहचालकसहित ५३ जना सवार थिए।

दुर्घटनामा घाइते भएकाहरूलाई उद्धार गरी उपचारका लागि कोहलपुरस्थित मेडिकल कलेज पठाइएको प्रहरीले जनाएको छ।

घटनाबारे थप अनुसन्धान भइरहेको प्रहरीले जानकारी दिएको छ।

साताकाे चर्चित
सम्बन्धित