काठमाडौँ ।
स्थानीय बजारमा सुन र चाँदीको मूल्य घट्ने क्रमले बिहीबार पनि निरन्तरता पाएको छ। आज सुनको मूल्य प्रतितोला ३ हजार ३०० रुपैयाँ र चाँदीको ४५ रुपैयाँले घटेको हो।
नेपाल सुनचाँदी व्यवसायी महासङ्घका अनुसार बिहीबार छापावाल सुनको मूल्य प्रतितोला २ लाख ५७ हजार ६०० रुपैयाँ कायम भएको छ। त्यस्तै, चाँदी प्रतितोला ३ हजार ३३५ रुपैयाँमा कारोबार भइरहेको छ।
यसअघि बुधबार छापावाल सुन प्रतितोला २ लाख ६० हजार ९०० रुपैयाँ र चाँदी ३ हजार ३८० रुपैयाँमा कारोबार भएको थियो।
लगातारको मूल्य गिरावटसँगै सुनचाँदी खरिद गर्ने उपभोक्तालाई केही राहत मिल्ने देखिएको छ।