जुम्ला ।
कनकासुन्दरी गाउँपालिका – ७ द्यारपाटा निवासी धनकन्या हमाललाई छाडा कुकुरले टोकेको छ ।
मिति २०८३ साल कार्तिक १७ गते दिउँसो करिब २ बजेतिर मल फाल्नकाे लागि पाण्डुसेरा जिउलामा गएको बेला कुकुरले अनुहारमा टोकेको स्थानीय मादव काँफलेले बताए ।
घाइते हमाललाई तत्काल कनकासुन्दरी गाउँपालिकाको एम्बुलेन्स मार्फत कर्णाली स्वास्थ्य विज्ञान प्रतिष्ठान, जुम्लामा लगिएको छ ।
पछिल्लो समय गाउँ क्षेत्रमा छाडा कुकुरको संख्या बढ्दै गएको भन्दै स्थानीय बासिन्दाले नियन्त्रणको लागि सम्बन्धित निकायको ध्यानाकर्षण गराएका छन् ।
कुकुर बहुलाया हुन सक्ने स्थानीयहरुकाे आसकां छ ।
